Diana Zubiri + Boy Friend Scandal

Mainam at hindi na nag-deny pa si Diana Zubiri sa litratong lumabas sa tabloid na Pinoy Parazzi kunsaan pinapakita siyang nakikipaghalikan sa isang lalake. Inamin ni Diana na siya iyon at boyfriend niya ang guy.

Ayaw na lang sabihin ni Diana kung sino ang boyfriend niya dahil hindi naman daw taga-showbiz ito. Pero natatandaan namin na ipinakilala na ni Diana sa amin ang boyfriend niyang nagngangalang Alex.

Pero ayon sa ilang PEP sources, ang kumpletong pangalan ng lalaki ay Alex Lopez, dating boyfriend ni Tanya Garcia at napabalitang manliligaw noon ni Katrina Halili.

Anyway, one year na nga raw silang mag-on at wala siyang nakikitang masama kung maghalikan silang dalawa. Tutal karelasyon niya ito at mahal na mahal nila ang isa't isa.

"Napakilala ko na siya sa family ko at nakilala ko na rin ang family niya sa Vigan," ngiti ni Diana habang kausap ng PEP (Philippine Entertainment Portal).

"Natuwa nga ako kasi ang babait nila sa akin. Pati ang family ko, gusto nila ang karelasyon ko ngayon."

Matagal din daw kasing nabakante ang puso ni Diana kaya noong dumating ang lalaking ito ay na-in love na siya rito.

"Pero mas in-love siya sa akin, huh!" malakas na tawa pa niya.

"Nagpapakipot pa ako noon sa kanya. Pero mabait kasi siyang tao at matiyaga kaya sinagot ko siya dahil sa effort niya sa akin."

Medyo na-bother lang daw si Diana sa lumabas na litrato nila ng kanyang boyfriend sa naturang tabloid. Pero naiintindihan naman daw ni Diana na dahil artista siya ay public property na rin siya.

"Wala naman mangyayari kung magalit man ako, di ba? Hindi ko na idadaan ‘yan sa legal na paraan kasi pareho lang maaabala ang trabaho namin. Siguro nga ginagawa lang nila ang trabaho nila.

"Siguro kaming mga artista, maging careful na lang sa mga kilos namin. Nakunan naman kami sa isang publiko na lugar, e. Yun lang ang mali namin siguro. Kaya magiging mas maingat na kami."

Habang wala pang bagong TV show si Diana sa GMA-7 ay nakatapos siya ng dalawang pelikula para sa Metro Manila Film Festival, One Night Only at Shake, Rattle & Roll X ("Nieves" episode).

Hindi nga raw alam ni Diana kung saang float siya unang sasakay. Pero for sure ay masasakyan niya ang dalawang float sa parada on December 24.

~Ruel J. Mendoza